TIL TEMIR:ZANIYARIYÊN HERÎ DAWÎ LI SER REWŞA KIRÎZA AVÊ.

Di derbarê vê mijarê de, serokê xwecihiya bajarê Til Temir ya bi ser ENKSê ve, mamoste Qasim Xelîl ji malpera me ya ENKSê re ragihand û anî ziman: “Wekî hûn dizanin jêdera ava bajarê Til Temir û Hesekê ji navenda gundê Elok ya bi ser bajarê Serê Kaniyê ve yê ,û ew navend jî ketiye bin kontirola Tirkiya û komên Çekdar yên bi ser Tirkiya ve, û her ji demekê avê bi rojan li ser bajarokê Til Temir û Hesekê qut dikin”.

Herwiha Xelîl got: “Cara dawî komên Çekdar yên bi ser Turkiya ve, neh rojan av li ser bajarokê Til Temir û Hesekê qutkirin ji 14. 8. 2020an ta 23. 8.2020an û herwiha av ne bi berdewamî berdan”.

Herwiha Qasim diyarkir:”Piştî neh rojan ji qutkirina avê li ser bajarokê Til Temir di roja Yekşemê 23.8.2020an de, piştî danê nîvro demjimêr 3:30 av hat bi berdewamiya katijmêrekê û dîsa hat qutkirin û carek din bi şev hat ta katijmêr 4ê şeveqê qutbû, û roja duşemê 24.8.2020an de, danê sibehê ji katijmêr 9ê sibeha ta katijmêr 10ê sibeha av hat û qutbû, û carek din jî di roja duşemê piştî danê nîvro av hat ta katijmêr 4ê êvarî û qutbû û ta vê kêlîka ez diaxivim av nehatiye, û dema av tê av qels e”.

Hêjaye gotinê ku kirîza avê li bajarokê Til Temir û Hesekê nayê çareserkirn ta civaka navdewletî bi erkê xwe ranebe di derbarê vê mijarê de.

Ragihandina ENKSê
Raport:Elî Fetah