ŞANDEKE XWECIHIYA SERÊ KANIYÊ YA BI SER ENKSÊ VE SERDANA PARTIYA YEKÎTIYA DEMOKRAT A KURDISTANÎ KIR.

Şandeke Encûmena Xwecihî ya bajarê Serê Kaniyê ya Encûmena Niştimanî ya Kurd li Sûriyê, di roja Îniyê 13.5.2022’an de, serdana baregeha Partiya Yekîtiya Demokrat a Kurdistanî li bajarê Qamişlo kir û pîrozbahî li wan kir bi boneya bidawîhatina kongreya wan ya dehemîn.

Herwiha şanda xwecihiya Serê Kaniyê ji serokê xwecihiyê birêz Ahmed Isma’îl û endamên xwecihiyê pêk dihat.Û ji aliyê Xanim Fesla Yûsif û hejmarek ji endamên partiyê ve, hatin pêşwazîkirin.

Şanda Encûmena Xwecihî ya bajarê Serê Kaniyê ya bi ser ENKSê ve, pîrozbahî li sekretêra partiyê xanim Fesla Yûsif û endamên serkirdatiya partiyê kir ji ber lidarxistina konferansa wan û serkeftina karê konferansê û hêviya serkeftinê di karê wan de ji bo xizmetkirina berjewendiyên gelê Kurd li Sûriyê xwest.

Wek tê zanîn, Partiya Yekitiya Demokrat a Kurdistanî (PYDK) 10emîn kongreya xwe li gundewarê Amûdê saz kir, di kongreyê de tenê Fesla Yûsif xwe ji bo posta sekretêra partiyê berbijêr kir û careke din ji bo sekretera partiyê hat hilbijartin.

Ragihandina ENKSê

Raport:Elî Fetah