ŞANDEKE NÛNERATIYA HERÊMA KURDISTANÊ YA ENKSê SERDANA WEZARETA NAVXWE YA HERÊMA KURDISTANÊ KIR.
Di roja Duşemê,13.3.2023an de şandeke nûneratiya Herêma Kurdistanê ya ENKSê serdana Wezareta Navxwe ya Herêma kurdistanê kir û ligel Rêveberê Ofîsa Wezaretê Dr. Hêmin Mîranî civiyan.
Şanda nûneratiyê ji M. Newaf Reşîd, Dr.Kawa Azîzî û birêz Ebdulezîz Welîka pêk hatibû.
Piştî pêşwaziyê şanda mêvan xem û derdên penaberên Kurdên Sûriyê yên li navçeyê û zehmetiyên li pêşiya penaberan bi taybet di warê niştecihbûnê de şirove kirin.
Ji aliyê din ve, şanda mêvan gelek dosyayên pirsgirêkên penaberan ên weke hevgihandina malbatê, zewac, dermankirin, rûniştin û gelek mijarên din ên cuda gotûbêj kirin.
Herwiha Şandê amaje bi rewşên ku nayên çareserkirin, kir, ku cezayên ji bo paşxistina dirêjkirina dema mayînê tên berhevkirin, û nekarîna gelek Kurdên Sûriyê ku pasaportan werbigirin.
Şandeyê daxwaza çareserkirina statûya van kesan, hêsankirina wergirtina niştecihbûnê û alîkariya ji bo çareserkirina pirsgirêkên penaberên kurdên Sûriyê kir.
Di dawiya hevdîtinê de Dr.Mîranî soz da ku çi ji destê wan tê bikeve xizmeta birayên me yên Kurdên Sûriyê û çareserkirina arîşeyên wan bi herî hêsan û li gor yasayên Herêma Kurdistanê. Daxwaz ji nûneratiya herêmê kir ku, pêşnîyarên muhtemel ên çareserîyê pêşkêş bikin, daku em bi hev re çareyên guncaw bo hemû pirsgirêkan bibînin.
Di dawiyê de şanda mêvan spasiya pêşwazîkirina germ ji aliyê serokê nivîsgeha wezaretê Dr. Hêmin Mîranî ji şanda mêvan re kir û amadehiya xwe ya temam ji bo hevkarîkirina nûneratiya Herêma Kurdistanê ya Encûmena Niştimanî ya Kurdî kir ji bo çareserkirina pirsgirêkên kurdên Sûriyê li herêmê nîşan da.
Ragihandina ENKSê
Raport:Elî Fetah