NORWÊC: NAVEROKA HEVDÎTINA XWECIHIYA NORWÊC YA BI SER ENKSÊ VE BI BERPIRSIYARÊ NÛ YÊ DOSYA SÛRÎ RE..

Di roja pênşemê 26.8.2021ê de, katijmêr di 10ê sibehê de, şandek ji nûnertiya Ewropî ya ENKSê xwecihiya Norwêcê di Wezareta Derve ya Norwêcê de, bi berpirsiyarê nû yê dosya Sûrî, Tûr Martîn, û berpirsiyarê dosyeya Iraqê xanim Hîlda civiyan.

Herwiha şanda xwecihiyê ji Mahmûd Biro, serokê xwecihiyê, Rengîn Mûhme , cîgirê serokê xwecihiyê, û Mehmûd Menla, endamê komîteya îdarî pêk dihat.

Piştî danasîna şandeyê, birêz Tûr Martîn xwe da nasîn û kar û wezîfeya xwe ya nû li Wezareta Derve eşkere kir.

Şanda xwecihiyê, şiroveyeke berfireh li ser dosyaya binpêkirinên ku li herêmên Kurdî dibin, di nav de revandina zarokên biçûk ên Kurd, girtina (ciwanan, pisporên ragihandinê û siyasetmedaran), û kuştina di bin îşkenceyê de li girtîgehan.

Şandê bang li rayedarên Wezareta Karên Derve kir ku li dijî van binpêkirinên dijmirovahî yên li dijî gelê Kurd li Sûriyê, herwiha li dijî êrîş û dagirkeriya dewleta Tirik a li ser herêmên Kurdan helwestek zelal û aşkera bigirin.

Herwiha şanda Encûmenê daxwaz kir ku bêtir baldar bin û balê bikşînin ser dosyeya Kurdên Sûriyê di forûmên navneteweyî de û piştgiriya pêwîst ji bo wê pêşkêş bikin, ji ber ku ew doza demokratîk a rewa ye.

Di hevdîtina xwe ya bi nûnerên Wezareta Karên Derve re, şandeyê bal kişand ser komên ji derveyî sînorên Sûriyê hatine û li dijî kiryarên wan ên tepisandinê û daxwaza navneteweyî ya derxistina wan û meşandina çalakiyên siyasî û dîplomatîk li dijî terorê li herêma me ya Kurd, û Sûriyê bi giştî.

Ji aliyê xwe ve, şandeya wezaretê tekez kir ku ew rewşê bi cidî dişopînin û amadebûna xwe ya tevahî ji bo danûstendinek baş û kiryarek hevbeş ji bo xizmeta demokrasî, mafên mirovan û parastina zarokan li seranserê Sûriyê li gorî zagonên navneteweyî û çarçoveyên destûrî û qanûnî yên berdest.

Ragihandina ENKSê
Raport:Elî Fetah