NETEWEYÊN YEKBÛYÎ TEQÎNA LI BAJARÊ MINBICÊ ŞERMEZAR KIR.

NETEWEYÊN YEKBÛYÎ TEQÎNA LI BAJARÊ MINBICÊ ŞERMEZAR KIR.

Neteweyên Yekbûyî teqîna li bajarê Minbicê şermezar kir.

Neteweyên Yekbûyî teqîna li bajarê Minbicê li rojhilata Helebê şermezar kir, ku di encamê de gelek kes hatin kuştin û birîndar bûn, piraniya wan jin bûn, û tekez li ser girîngiya parastina sivîlan û binesaziyê kir.

Berdevkê Neteweyên Yekbûyî Stîvan Dujarîk got ku otomobîleke bombebarkirî li nêzî wesayîteke ku jinên ku diçûn karên çandiniyê yên demsalî de, teqîyaye. Wî got ku di hefteya borî de, bûyereke din ya bi otomobîleke bombebarkirî li heman bajarî qewimî û di encamê de gelek kes hatin kuştin û birîndar bûn, di nav wan de zarok jî hebûn.

Berpirsê Neteweyên Yekbûyî tekezî li ser pêwîstiya ku hemû aliyan erkên xwe yên di bin qanûna mirovahî ya navneteweyî de biparêzin da ku sivîlan biparêzin, û got ku “sivîlan û binesaziya sivîl nabe ku bêne armanc kirin”.

Di encama teqînê de herî kêm 20 kes hatin kuştin û hejmareke din jî birîndar bûn.

Ragihandina ENKSê
Raport: Elî Fetah