NEMSA: YEKÎTÎ KURDISTANÎ BI BONEYA ROJA CÎHANÎ YA MAFÊN MIROVAN SEMÎNAREK LIDARXIST

Rêxistina Nemsa ya Partîya Yekîtî Kurdistanî – Sûrîye di roja duşemê 13.12.2021ê de, bi amadebûna kesayetên rewşenbîr û siyasetmedar, semînareke bi boneya roja cîhanî ya mafên mirovan hat lidarxistin.

Semînar ji aliyê D.Mihemed Cuman doktor di zagona navneteweyî li ser riya teknolojiya vîdyoyê ya serhêl (Online ), ve hat bi rêve birin.

Herwiha Dr.Cuman bal kişand ser roja Danezana Roja Navneteweyî ya Mafên Mirovan ji hêla Komela Giştî ya Neteweyên Yekbûyî ve, di sala 1948an de û destnîşan kir ku piştî Şerê Cîhanê yê Duyemîn, ev roj ji hêla komek welatan ve hate ragihandin û bi armanca wekheviyê daxuyaniyek hate dayîn, di maf û erkan de.

Cûma di axaftina xwe de bal kişand ser trajediyên gelê Kurd, ku ji dema desthilatdariya Partiya Behis ve, ji aliyê rejîma Sûriyê ve rêz li mafên wan nayê girtin.

Ji aliyekî din ve, Cuman rawestiya li ser rewşa navçeyên, di bin destê çekdarên opozisyonê yên ser bi Tirkiyê ve li Efrîn, Girê Spî û Serê kaniyê, ji talankirin, revandina sivîlan, ferzkirina mafên malî û hewldana guhertina demografî li wan deveran kir.Û ji aliyekî din ve, bal kişand ser binpêkirinên berdewam li deverên di bin kontrola PYDê de,ji hemû aliyan ve.

Dr.amaje bi wê yekê jî kir bi taybetî di dema belavbûna Koronayê û qeyranên din de, wek binpêkirina mafên mirovan tê dîtin.

Wî bang li rêxistinên mafên mirovan û yên din kir ku binpêkirinan li gorî Danezana Gerdûnî ya Mafên Mirovan bi belge bikin, û radestî saziyên navdewletî bikin, û tekez kir ku divê belgekirina binpêkirinan bi aliyên siyasî ve, tenê nemîne.

Semînar bi pirs û pirsiyarên amadebûyan dewlemend bû, û bi dilekî vekirî bersiva wan hat dayîn.

Ragihandina ENKSê

Raport:Elî Fetah