NAVEROKA CIVÎNA GRÎNGEHA ROJAVA Û ROJHILAT YA ENCÛMENÊN XWECIHÎ YÊN BI SER ENKSÊ VE.  

Gerîngeha Rojava û Rojhilat ya encûmenên xwecihî yên bi ser ENKSê ve, civîna xwe ya asayî di roja Şemiyê 4/1/2025an de,li bajarê Qamişlo li darxistin .

Herwiha bi amadebûna serokê ENKSê mamoste Mihemed Ismaîl, Serokê ofîsa Karûbarên Encumenên xwecihî birêz Neşet Zaza û endamên Nivîsgeha Karûbarên Encûmenên Xwecihî, û amadebûna serokên encûmenên xwecihî.

Di destpêkê de bixêrhatina amadebûyan hate kirin û ji bo giyanê pakê şehîdên Kurdistanê bi serdestiya nemir (Mele Mistefa Barzanî) deqîqeyek rêz hate girtin.

Paşê raporên ku ji encûmenên xwecihî hatin wergirtin ji aliyê serokên encûmenên xwecihî ve hatin xwendin û gotûbêj kirin.

Di dawiyê de,birêz Mihemed Ismaîl, bal kişand ser dawîn pêşhatên siyasî yên li ser cihê bûyerê û rola Encûmenê di şopandina van bûyeran de û pêwîstiya piştrastkirina bi bandor li hebûna wê ji bo ku ew bibe beşeke bingehîn ji proseya siyasî li Sûriyê. Û behsa pêşhatên dawî yên li ser qada Sûriyê bi giştî û qada kurdî bi taybetî kir.

Her wiha ji aliyê serokên Encûmenên xwecihî ve jî destwerdan hatin kirin.

Ragihandina ENKSê
Raport:Elî Fetah