NATO PIŞTRAST DIKE KU TÊKILIYÊN XWE YÊN BI HERÊMA KURDISTANÊ RE XURT BIKE.

NATO PIŞTRAST DIKE KU TÊKILIYÊN XWE YÊN BI HERÊMA KURDISTANÊ RE XURT BIKE.

NATO piştrast dike ku têkiliyên xwe yên bi Herêma Kurdistanê re xurt bike

Sekreterê giştî yê NATO piştrast kir ku hêzên NATO dê li Iraqê bimînin, û bal kişand ser hewldanên NATO yên xurtkirina têkiliyên xwe bi Herêma Kurdistanê re.

Sekreterê Giştî yê NATO Mark Rûte, got ku NATO kar dike ku hevkariya xwe bi Herêma Kurdistan re xurt bike, her wiha piştgiriya Iraqê dike da ku hêzên xwe ava bike û aramîya xwe ya ewlekarîyê xurt bike.

Wî bal kişand ser guhertinên ku li herêmê rû didin, bi taybetî di çarçoveya vekişîna Amerîka ya hinek hêzên xwe ji Îraqê, di heman demê de tekez kir ku hêzên NATO dê erkên xwe li wî welatî bidomînin, bi pêşkêşkirina rêberî û alîkariya lojîstîk ji artêşa Îraqî re.

Mark Rûte berê gotibû ku NATO bi Kurdistan û Îraqê re karê nêzîk dike ku hêzeke ewlekarî ya xurt ava bike da ku şerê DAIŞê bike.

Sekreterê giştî yê NATOyê got: “Em pir girîngî didin serweriya Iraqê û em bi hikûmeta Herêma Kurdistanê û hikûmeta federal re bi awayekî nêzîk dixebitin”.

Her wiha got:”Emê hêzên xwe yên li Îraqê jibo şerê DAIŞê bişopînin û tedbîrên pêwîst bigirin ku wan biparêzin”.

Ragihandina ENKSê
Raport:Elî Fetah