LI KORBENDA ÇAKSAZÎ Û GUHERTINÊ XELEKEK GENGEŞEYÊ HATIBÛ LIDARXISTIN.

Korbenda Çaksazî û Guhertinê xelekek nû , bi navnîşaniya:

(Sûriye ji ber nakokiyên navdewletî û çareseriya derengmayî)

di roja şemiyê 20.8. 2022an de, li navenda korbenda Çaksazî û guhertinê, li bajarê Qamişlo, bi rêveberiya M.Kazim Xelîfê û M.Feyrûşa Ebdirihman, endamên korbenda Çaksazî û Guhertinê,hat li dar xistin.

 

Di derbarê naveroka vê yekê de, mamoste Kazim Xelîfê, endamê rêveberiya korbenda Çaksazî û Guhertinê ji malpera me ya ENKSê re ragihand û anî ziman :

 

“Di 20.8.2022an de, Korbenda Çaksazî û Guhertinê li bajarê Qamişlo Xelekek bi navnîşaneya:

(Sûriye ji ber nakokiyên navdewletî û çareseriya derengmayî) hate li dar xistin.

 

Herwiha Xelîfê got jî:”Û li ser van xalan hat gengeş kirin.

 

1- Helwestên navdewletî, erebî û tirkî dê bandoreke çawa li ser rewşa opozisyonê bi hemû platformên xwe yên ku li paytextên hin ji van welatan bi cih bûne û bi rêya wan kar dikin ji bo pêkanîna armancên xwe bandor bikin?.

 

2- Li gor rewşa niha, çi bijarde li ber destê hêzên opozisyonê hene ku rewşa xwe birêxistin bikin, piştî ku piştgirên navçeyî û navdewletî ji wan re nebîne?.

 

3- Gelo îhtimal heye ku Dewletên Yekbûyî yên Amerîkayê (YN) û hevalbendên wê ji bo piştgirîkirina opozisyonê û fişaran ji bo çareseriya siyasî ya berdewam li wî welatî bimeşin?

 

 

4- Rêyên herî baş ji bo derbaskirina kirîza Sûriyê li deverên curbicur ên welat çi ne?

 

                                

 

Herwiha Xelîfê got jî:

“Paşê destwerdan û gotûbêj li ser van mijaran dest pê kir, ji ber ku beşdarbûn ji rewşenbîr, siyasetmedar û ji hemî pêkhateyên herêmê bûn.

 

Wek tê zanîn nivîsandina ku xalên li ser wê hatibûn gengeşe kirin ya ku ji aliyê rêveberiya Korbendê ve,hatibû pêşkêş kirin ev e.

Raghand ku civînên Komîteya Destûrî ya Sûriyê, ku biryar bû di dawiya tîrmeha borî de bên lidarxistin, ji ber encamên şerê Ukraynayê û nakokiyên aliyên wê li ser axa Sûriyê, hatin paşxistin

 

Guhertinek di helwesta Tirkiyê de heye, ku piştgiriya hevpeymaniya opozîsyona Sûriyê dikir, ji bo vekirina pêwendiyan ligel rejîmê.

 

Herwiha tevgerên çalak di nav welatên Erebî de pêk tên ji bo vegerandina Sûriyê, bi nûnertiya rejîma wê ya niha, bo Yekîtiya Ereba.

 

 

Ragihandina ENKSê

Raport:Elî Fetah