LI KORBENDA ÇAKSAZÎ Û GUHERTINÊ XELEKEK GENGEŞEYÊ HATIBÛ LIDARXISTIN.

On Oct 13, 2024

Korbenda Çaksazî û guhertin xelekek, bi navnîşaniya,( Koçberiya Sûrî hewldanên navxweyî û derveyî welat temam dikin )
di 12.10. 2024an de, li navenda korbenda Çaksazî û guhertinê, li bajarê Qamişlo, bi rêveberiya M.Kazim Xelîfê û M.Îsam Ahmed, endamên korbenda Çaksazî û guhertin,hat li dar xistin.

Bi amadebûna komek ji rewşenbîr, siyasetmedar û kesayetên rêxistinên jin û ciwanan û piştî deqeyek rêzgirtinê ji bo giyanê pakrewanên azadiya Sûriyê û gelê kurd, amadebûn ji aliyê birêz Kazim Xelîfê ve,endamê rêveberiya Korbendê hatin bixêrhatin.

Herwiha mijarên derbarê xeleka gengeşeyê ji aliyê rêveberiya Korbendê hatibû xwendin ev in:

1 – Koçberên Sûrî çawa dikarin beşdarî civakên mêhvandar bibin, pêwendiya çandî bi welatê xwe re zêde bikin, û ezmûn û jêhatîbûnên ku li derve bidest xistine razandine da ku piştgiriya malbatên xwe li welat bikin?

2-Gelo çi rêyên çêtirîn hene ji bo baştirkirina rewşa hundurê Sûriyê. Ji bo ku ciwanan ji koçberîyê dûr bixe?

3-Çawa rûbirûbûna kêşeyên ku ji ber koçberiyê ji bo nasnameya neteweyî û yekitiya malbatê, û rola partiyên siyasî û civaka sivîl di xurtkirina peywendiya di navbera hundir û derve de.Ji bo têkiliyên navxweyî û derve, ji bo pêkhatina yekbûnê

Beşdaran nêrînên xwe bi destwerdan û nîqaşên ku bi cidiyet û pratîk di xwendina dîmena koçberiyê û encam û encamên wê de diyar kirin.

Hêjayî gotinê ye ku Korbenda Çaksazî û Guhertinê her hefte xelekên diyalog û gotûbêjan li ser pirsa Sûriyê bi giştî li dar dixe.

Ragihandina ENKSê
Raport:Elî Fetah