EFRÎN: DU XORTÊN KURD RASTÎ GULEYAN HATINE KIRIN
EFRÎN: DU XORTÊN KURD RASTÎ GULEYAN HATINE KIRIN
Li Efrîna Kurdistanî du xortên Kurd rastî guleyên rastî hatine
Di roja sêyem a Cejna Qurbanê de, li yek ji gundên Efrînê li Kurdistana Sûriyê, 2 xort bi gulleyan ji aliyê endamên grûpên çekdar ve bi giranî birîndar bûn.
Di derbarê vê yekê de,çalakvanê medyayî Mistefa Şêxo ji malpera me ya ENKSê re ragihand û got:” Her du xortên kurd Cemal Elî (26 salî) û Mihemed Welîd Elîko (22) salî, piştî ku ji gundê Coqê yê bajarê Efrînê vegeriyan,rastî guleyan hatin kirin” .
Her wiha Şêxo diyar kir: “Ku her du ciwan di seyrangeha navenda bajarê Efrînê de dixebitîn û dema vedigeriyan malên xwe yên li gundê Dargirê, êvariya roja Sêşemê 18ê Hezîranê, “ji nuqteya kontrolê ya yekem derbas bûn ya Çekdarên Elhemzat, piştre ji hebûna nuqteya kontrolê ya duyemîn ya nenas matmayî man.”
Şêxo berdewam kir: “Wan ji xala kontrolê ya nenas tirsiyan, û wan biryar da ku birevin, xala kontrolê ji aliyê endamên Elhemzat bi serokatiya Ebû Xetab ve hat dagirkirin, û Cemal û Mihemed gulebaran kirin, di encamê de bi giranî birîndar bûn, û piştre ew hatin rakirin bo nexweşxaneya pispor a Efrînê.”
Şêxo tekez kir ku şahidê tawanê Bekir Ednan Bekir li navenda navçeya Mabata ji aliyê polîsên leşkerî ve hatiye girtin û heta niha çarenivîsa wî nediyare.
Mistefa Şêxo amaje bi wê yekê jî kir ku ew her du ciwan di bin çavdêriya giran de ne û li nexweşxaneyê tên dermankirin û rewşa wan vê êvara Çarşemê arame.
Wek tê zanîn girûpa çekdar ya “Elhemzat” beşeke ji avakirina “Artêşa Niştimanî ya Sûriyê” ya girêdayî Wezareta Berevaniyê di “Hikûmeta Demkî ya Sûriyê” de, û di Tebaxa 2023an de, Wezareta Xizînedariya Amerîkayê siza li ser girûpa çekdar ya Elhemzat sepand. û serokê wê, Seyf Bolad, bi nasnav (Ebû Bekir), ji ber kirina “binpêkirinên cidî” yên mafên mirovan li Efrînê.
Ragihandina ENKSê
Raport:Elî Fetah