Dêrik.. PDK_Sê, salvegera 45emîn koçbarkirina Barzaniyê nemir vejand

Encûmena Niştimaniya Kurdî li Sûriya, roja Înê“1” Adara “2024”an, salvegera “45” emîn, li ser koçbarkirina Bavê giyanî yê gelê kurd “Mela Mistefa Barzanî vejand .

Û ev yek bi amadebûna hejmarek ji milet û bi hazirbûna serkirde û nûnerên partiyên siyasî û encûmena Niştîmanî û herwiha rêxistinên jin û ciwanan.

Û Di destpêkê de xulekek bêdeng rawestiyan li ser giyanê pakrewanên kurd û kurdistanê û serwerê wan Barzaniyê nemir.

Û çend gotin di ahinga salvegerê de hatin gotin.

Gotina ENK_Sê, ji aliyê ” Hesen Murad” endamê emîndariya giştî ya ENK_Sê, ve hate xwendin, têde li ser kar û xebata Barzaniyê nemir di tevgera siyasî kurdî de kir.

Gotina PDK_Sê, ji aliyê “Besê Ebdê” endama ofîsa siyasî ve hate pêşkêşkir, û têde behsa destanên berxwedan û mêrxasî û qehremaniyê di dîroka bavê netewa miletê Kurd Barzaniyê nemir de kir.

Û herwiha çend helbest li ser Barzaniyê nemir hatin pêşkêşkirin.

Û herwiha hêjaya were gotin ku di “1” ê Adara sala “1979”an, Mela Mustefa Barzanî li Amerîka ji ber nexweşiyê koça dawî kir, û li bajarê ” Şino” yê Rojhilatî Kurdistanê bi axê hat spartin ..

Û piştî reparîna Adara sala “1991”an, termê Barzaniyê nemir û kurê wî Idrîs Barzanî ji Rojhilatî Kurdistanê bo herêma kurdistanê cihê jidayîbûna Barzanî hatin veguhastin û li navçeya Barzan bi xakê hatin spartin di sala 1993an .

Ragihandina ENKSê

Raport: Hêvî Delî