ÇILROJIYA ENDAMÊ HEVRÊZIYA GIŞTÎ YA TEVGERA ÇAKSAZIYA KURDÎ – SÛRIYE HAMID IBRAHÎM HAT VEJANDIN

Di roja Îniyê 13/10/2023an de, hejmarek ji hevalên tevgera Çaksaziya Kurdî-Sûriye û bi beşdarbûna hin ji endamên ofîsa cîbicîkirinê û endamên hevrêziya giştî bi komek ji xelkên herêmê , berên xwe dan goristana gundê Kaniyê Dirêj ,herêma Koçerata.

Herwiha li wê dera fatîhe li ser giyanê rehmetiyê Hamid Ibrahîm yê paqij hat xwendin û baqek ji gulan li ser goristana rehmetî hate danîn .

Herwiha Piştre mamoste Welîd Ferman endamê ofîsa cîbicîkar ya tevgera Çaksaziya Kurdî-Sûriye axaftinek kir, di destpêkê de bi xêr hatina mêvanên xwe yên beşdar kir û axaftina wî di derbarê nirxandina kar û xebata rehmetî de bû, ya ku cihê şanaziyê bû li cem heval û dostên wî  ku koçkirina wî ziyanek mezin li cem wan û li cem tevgera siyasî ya kurdî bi giştî.Herwiha mamoste Ferman,axivî li ser jiyaname têkoşîna rehmetiyê bavê Salar

Herwiha mamoste Welîd Ferman di axaftina xwe de, diyar kir û anî ziman:” Em tekez dikin li ser berdewamiya kar ji bo gihandina çi tiştê ku hevalê me Hamid Ibrahîm li ser asta niştîmanî û netewî baweriya xwe pê aniye”.

Herwiha mamoste Welîd Ferman di axaftina xwe de diyar kir ,ku me wek Tevgera Çaksaziya Kurdî -Sûriye me ji bo vejandina Çilrojiya hevalê xwe Hamid Ibrahîm,amedebûnek berfire kiribû,lê ji ber êrîşên Tirkiyê li ser herêmên me yên Kurdî ,me bi awayekî pir kurtasî vejand.

Herwiha ji aliyekî din jî, birêz Cahfer Umer endamê xwecihiya Dêrikê ya bi ser ENKSê ve,bi navê malbata rahmetiyê têkoşer Hamid Ibrahîm spasiya hevalê Tevgera Çaksaziya Kurdî li Sûriya kir, li ser vejandina bîranîna hevalên xwe Hamid Ibrahîm bavê Salar..

Ragihandina ENKSê

Raport:Elî Fetah