TORA SÛRIYÊ KUŞTINA 72 SIVÎLAN LI SÛRIYÊ DI MEHA ÇILE DE BELGE KIR.

Tora Sûriyê kuştina 72 sivîlan li Sûriyê di meha Çile de belge kir

Tora Sûrî ya Mafên Mirov kuştina 72 sivîlan, di nav wan de 18 zarok û 10 jin (jinên mezin), li Sûriyê di meha borî de belge kir.

Tora Sûrî di raporta xwe ya roja Duşemê 5ê Sibata 2024an de, herî kêm 37 bûyerên êrîşan li ser navendên girîng ên sivîl tomar kir, ku 29 ji wan êrîşan li ser destê hêzên rêjîma Sûriyê bûn û li parêzgeha Idlibê û Helebê ne.Di nava van êrîşan de, di raporê de 11 êrîş li ser navendên perwerdeyê û 2 jî li ser navendên tenduristiyê hatine belgekirin.

Raporê kuştina 72 sivîlan, di nav wan de 18 zarok û 10 jin (jinên mezin) belge kir. 5 kes ji ber îşkenceyê hatin qetilkirin, herî kêm 2 komkujî pêk hatin.Li gorî raporê, di meha Çile de herî kêm 182 haletên girtin/girtina keyfî, ku 8 zarok û 4 jin di nav de ne, ji aliyê aliyên şer û hêzên kontrolê ve li Sûriyê hatine tomarkirin, ku rêjeya herî mezin ji wan li ser destên Hêzên rejîma Sûriyê.

Raporê tekez kir ko Rêjîma Sûriyê yasaya mirovî ya navdewletî, yasaya leşkerî, û biryarên Encûmena Ewlekariyê ya Netewên Yekgirtî binpê kir, bi taybet biryara jimare 2139, biryara jimare 2042 derbarê azadkirina girtiyan, û biryara jimare 2254, hemû bê berpirsiyarî.

Raporê bang li Encûmena Ewlekariyê kir ku tedbîrên din bigire piştî derketina biryara jimare 2254 û tekezî li ser pêwîstiya şandina dosyaya Sûriyê bo dadgeha tawanan ya navdewletî û berpirsyariya hemû aliyên beşdar, di nav wan de rêjîma Rûsiya piştî beşdarbûna wê di pêkanîna şer de. sûc hat îspat kirin.

Ragihandina ENKSê

Raport:Elî Fetah