AMERÎKA ENCAMÊN OPERASYONÊN XWE YÊN DIJÎ DAIŞ,Ê LI SÛRIYÊ Û IRAQÊ DI MEHA TÎRMEHÊ DE RAGIHAND.

Roja Çarşemî 9ê Tebaxa 2023an, Fermandehiya Navendî ya Amerîkayê encamên operasyonên xwe yên li dijî DAIŞê li Sûriyê û Iraqê di meha Tîrmehê de ragihand.

Herwiha fermandehiya Navendî ragihand ku hêzên hevpeymaniya navdewletî ji bo şerê li dijî DAIŞê Tîrmeha borî 31 operasyon li dijî wê rêxistinê li Sûriye û Iraqê pêk anîne.

Li gorî daxuyaniya ku li ser hesabê xwe yê fermî yê li “X”ê (Twittera berê) weşandiye, di encama operasyonan de di heman heyamê de 30 endamên rêxistinê hatin binçavkirin û 5 kes jî hatin kuştin.

Tenê li Sûriyê Hêzên Koalîsyonê 11 operasyonên hevbeş bi Hêzên Sûriya Demokratîk re pêk anîn û di encamê de 3 endamên rêxistinê hatin kuştin û 6 kesên din jî hatin girtin.

Hejmara operasiyonên li Iraqê giha 20an, ji aliyê hêzên hevpeymaniyê ve bi “hevalbendên xwe yên xwecihî” re, ku di encamê de du endamên rêxistinê hatin kuştin û heft kesên din jî hatin girtin.

Di daxuyaniyê de hat destnîşankirin ku di tîrmeha borî de Dewletên Yekbûyî yên Amerîkayê (DYA) ti operasyonek tenê li Sûriye û Iraqê pêk neaniye.

Herwiha fermandarê Fermandehiya Navendî ya Amerîkayê General Mayiki Korêla di dawiya axaftina xwe de got: “Hevkariya me bi Hêzên Ewlekariya Iraqî û (Hêzên Sûriyeya Demokratîk) re ji bo rûbirûbûna kêşeyên ku ji aliyê DAIŞ’ê ve li herêmê derketine, pêwîst e û hevkarên me dê bi xurtî mijûl bibin ji bo misogerkirina mayînde. têkçûna rêxistinê.

Ragihandina ENKSê

Raport:Elî Fetah